Starfsmannadagur fyrir bandaríska fyrirtækið Sidekick innihélt morgunverð, fundi, vinnustofur og hádegisverð í Kjósinni. Um kvöldið var kvöldverður á Iðnó með tónlistaratriðum og skemmtikröftum. 

Dagurinn hófst á rútuferð upp í Kjós í Hvalfirði. Að loknum ljúffengum morgunverði tóku við áhugaverðir fyrirlestrar og vinnustofur og í kjölfarið afar líflegar pallborðsumræður. Hádegisverðurinn fór fram í litríku umhverfi við útiplöntur og skreytingar, sem skapaði skemmtilegt andrúmsloft.

Kvöldverðurinn fór fram á Iðnó og var sérstaklega eftirminnilegur. Glæsilegur kvöldverður, nammibar var á svæðinu með hollustu ívafi og svo var dansað fram á nótt undir tónlist frá DJ Dóru Júlíu og MC Gauta. 

Ljósmyndaklefi og blöðrulistamaður settu svo punktinn yfir i-ið hvað upplifun bandarísku starfsmannanna varðaði og vöktu enn frekari kátínu og gleði. Þessi fyrirtækjadagur fór fram úr björtustu væntingum þátttakenda og skildi eftir sig ógleymanlegar minningar.