Back arrow

Nánar um Senu

Tölvuleikir

Við erum umboðsaðili PlayStation og tölvuleikjasnillinganna hjá Electronic Arts, Sony Computer Entertainment, Konami, Actavision, Take 2 Interactive, THQ, Atari, Sega og Vivendi Games. Okkur leiðist það ekkert.

Viðburðir

Við höfum fengið mörg stærstu nöfn rokksins til að koma hingað auk poppstjarna og uppistandara. Ekki er síður skemmtilegt að setja upp stórtónleika með íslenskum stjörnum auk þess sem við höfum vinsælar leikhússýningar á samviskunni sem sumar gengu fyrir fullu húsi svo árum skipti.

Kvikmyndir

Við fáum meðal annars stórmyndirnar frá 20th Century Fox, Sony Pictures og The Weinstein Company. Við tökum líka þátt í framleiðslu íslenskra kvikmynda en við sérhæfum okkur einnig í að finna og miðla óháðum og listrænum kvikmyndum frá öllum heimshornum.

Kvikmyndahús

Við rekum kvikmyndahús á þremur stöðum. Smárabíó er vinsælasta og fullkomnasta kvikmyndahús landsins, með hágæða þrívíddartækni í hverjum sal og bestu hljóðkerfi sem völ er á. Borgarbíó á Akureyri er eitt elsta kvikmyndahús landsins og er nú með tveimur sölum. Háskólabíó hefur gengið í endurnýjun lífdaga og þar eru nú starfræktir fjórir tæknilega fullkomnir bíósalir.

Nánar um Senu

Tölvuleikir

Bestu leikirnir frá mörgum stærstu framleiðendum í heimi fara hér í gegn. Við erum umboðsaðili PlayStation og tölvuleikjasnillinganna hjá Electronic Arts, Sony Computer Entertainment, Konami, Actavision, Take 2 Interactive, THQ, Atari, Sega og Vivendi Games. Okkur leiðist það ekkert.

Viðburðir

Eitt það skemmtilegasta sem við gerum er að skipuleggja tónleika. Við höfum fengið mörg stærstu nöfn rokksins til að koma hingað auk poppstjarna og meistara klassískrar tónlistar. Ekki er síður skemmtilegt að setja upp stórtónleika með íslenskum stjörnum og smærri tónleika með alls konar snillingum. Auk þess höfum við vinsælar leikhússýningar á samviskunni sem sumar gengu fyrir fullu húsi svo árum skipti.

Kvikmyndir

Ef eitthvað fleira en tónlist og bækur er í miðju menningarlífsins eru það kvikmyndir. Við fáum meðal annars stórmyndirnar frá 20th Century Fox, Sony Pictures og The Weinstein Company. Við tökum líka þátt í framleiðslu íslenskra kvikmynda og Græna ljósið er á okkar vegum. Það sérhæfir sig í að finna og miðla óháðum og listrænum kvikmyndum frá öllum heimshornum.

Kvikmyndahús

Við rekum kvikmyndahús á þremur stöðum.

Smárabíó

Smárabíó er vinsælasta og fullkomnasta kvikmyndahús landsins, með hágæða þrívíddartækni og Laser í hverjum sal og bestu hljóðkerfi sem völ er á. Smárabíó MAX salurinn notast við 4K Barco Laser og Dolby Atmos hljóðkerfi. Húsið rúmar yfir 1.000 manns í sæti í fimm sölum og varð fyrst til að bjóða Íslendingum upp á að fylgjast með beinum útsendingum í þrívídd frá stórum íþróttaviðburðum. Takmark þess er skýrt; að bjóða gestum upp á hámarksgæði í öllum sölum. Við erum með mestu myndgæðin, mestu hljóðgæðin, stór sýningartjöld og öll sæti eru með gott útsýni. Smárabíó leitast við það á hverjum degi að vera kvikmyndahús á heimsmælikvarða.

Háskólabíó

Háskólabíó þykir okkur einnig mjög vænt um, enda er það heimili íslenskra kvikmynda. Háskólabíó tók til starfa árið 1961 og var til að byrja með einn salur í húsinu sem var tekið fagnandi af kvikmyndaþyrstum landsmönnum. Árið 1989 var byggt við húsið og fjórir minni salir voru teknir í notkun með samtals 840 sætum. Þann 1. maí 2007 tók Sena við rekstri kvikmyndasýninga í Háskólabíói. Húsið gekk í gegnum miklar endurbætur sem miðuðu að því að bæta aðgengi og þægindi bíógesta. Háskólabíó hefur ríka sögu og mikla sál. Gestir upplifa einstakt andrúmsloftið og njóta þess fram í fingurgóma að horfa á góðar kvikmyndir í Háskólabíói.

Borgarbíó

Borgarbíó á Akureyri er eitt elsta kvikmyndahús landsins og er nú með tveimur sölum.